Almaniya kansleri Fridrix Merts 7-8 iyul tarixlərində Ankarada keçiriləcək NATO sammiti zamanı ABŞ prezidenti Donald Trampla münasibətləri yaxşılaşdırmaq üçün plan hazırlamaq məqsədilə Avropa İttifaqı (Aİ) üzv dövlətlərinin liderlərinin görüşünü təşkil etmək niyyətindədir.

Musavat.com xəbər verir ki, bu barədə “Bloomberg” mənbələrə istinadən məlumat verir.

Nəşr bildirir ki, Merts iyul ayında keçiriləcək NATO sammitində prezident Donald Trampla münasibətləri yumşaltmaq üçün plan hazırlamaq məqsədilə bu ayın sonunda Avropa liderlərini qəbul etməyi planlaşdırır".

Mənbələr qeyd ediblər ki, E5 ölkələrinin (Almaniya, Fransa, Böyük Britaniya, İtaliya və Polşa) liderləri Trampa ABŞ-ın Avropadakı müttəfiqlərinin öz müdafiələri üçün məsuliyyət daşımaq niyyətini nümayiş etdirməyə yönəlmiş bir sıra tədbirləri müzakirə etmək üçün Berlində toplaşacaqlar.

Nəşrin məlumatına görə, bundan əlavə, Merts NATO-nun baş katibi Mark Rutteni görüşə dəvət etməyi planlaşdırır. Lakin E5 üzv dövlətlərinin müdafiə nazirləri 12 iyunda Parisdə ayrıca görüş keçirməyi planlaşdırırlar.

Merts daha əvvəl bildirib ki, Tramp ABŞ prezidenti olaraq qaldığı müddətdə Almaniya hökumətinə rəhbərlik etməkdə çətinlik çəkir. Bununla belə, o, həmçinin qeyd edib ki, Amerika lideri ilə təmasları zamanı açıq şəkildə fikir ayrılığı yaratmaqdan çəkinmir.

Musavat.com