Ukraynanın paytaxtı Kiyevdə vəziyyətin ciddi şəkildə gərginləşdiyi bildirilir.

Musavat.com xəbər verir ki, Kiyev meri Vitali Kliçko Rusiyanın qış ərəfəsində paytaxta və şəhərin infrastrukturuna zərbələri gücləndirdiyini bildirib.

“Düşmən Kiyevi dağıdır: infrastrukturu, həyati təminat obyektlərini, logistika qovşaqlarını, yaşayış binalarını və sosial obyektləri. Təcavüzkar yenidən enerji sektorunu məhv etməyə başlayıb”, – Kliçko deyib.

Kiyev meri sakinləri şəhərdə adi dinc həyatın davam edəcəyinə arxayın olmamağa çağırıb.

Məlumata görə, zərbələr nəticəsində Dnepr çayı üzərindən nəqliyyat əlaqəsi də zərər görüb.

Musavat.com