Böyük Britaniyada bank işçisi olan fırıldaqçı dostlarını və ailəsini 500 min funt-sterlinq aldadıb və mühakimə olunub.

Musavat.com xəbər verir ki, bu barədə “Halifax Courier” məlumat yayıb.

Halifakslı Annabel Allan ilk dəfə 18 yaşında borcla qarşılaşıb və onları ödəmək üçün qardaşının xəbəri olmadan onun adına kredit götürüb. Adamın banka 16,6 min funt-sterlinq borcu olub və bundan sonra o, aylarla banka bu pulu götürmədiyini sübut etməyə çalışıb.

Allan daha sonra, 2017-ci ildə tam hüquqlu bir saxtakarlıq sxemi tətbiq edib. Qadın saxta səhmlər yaratmaq üçün “Lloyds Bank”ın informasiya teexnologiyaları departamentindəki vəzifəsindən istifadə edib və dostlarını onlara sərmayə qoymağa təşviq etməyə başlayıb. O, aldadıldıqlarından xəbəri olmayan dost və qohumlarından 500 min funt-sterlinq almağa nail olub. Allan onların 330 minini hələ də mövcud olmayan səhmlərdən “gəlir” kimi qurbanlara qaytarsa da, onlar külli miqdarda pul itiriblər.

2019-cu ildə “Lloyds Bank” rəhbərliyi işçilər arasında fırıldaqçı olduğunu öyrənib və daxili araşdırma aparıb, nəticədə Allan işdən çıxarılıb. İş polisə təhvil verilib, qadın zaminə buraxılıb. Bu, onun avtomobil satış şirkətində işə düzəlməsinə və 2023-cü ilin mayında üç müştərini 37 min funt-sterlinq aldatmasına mane olmayıb.

Allanın vəkili onun barəsində şərti cəza istəyib. Bununla belə, məhkəmə müttəhim qadının şəxsin dostlarından pul qoparmaq iqtidarında olduğunda israr edib və onu 4 il müddətinə azadlıqdan məhrum edib.

Musavat.com