"Red Bull" komandasının niderlandlı pilotu Maks Ferstappen "Formula-1" üzrə dünya çempionatının 9-cu mərhələsi olan Kanada Qran-prisinin qalibi olub.

Yarış Monrealdakı "Circuit Gilles Villeneuve" meydançasında baş tutub.

Britaniyalı "McLaren" pilotu Lando Norris ikinci yeri tutub. Onun "Mercedes" komandasından olan həmyerlisi Corc Rassel üçüncü olub.

Qeyd edək ki, dünya çempionatının növbəti mərhələsi iyunun 21-23-də İspaniyada keçiriləcək.