"Honor"un yeni Power 2 modeli texnologiya gündəmini silkələyib. İlk baxışdan iPhone 17 Pro-nu xatırladan dizayn sosial şəbəkələrdə və texnoloji mediada geniş müzakirələrə səbəb olub: bu, sadəcə oxşarlıqdır, yoxsa açıq-aşkar kopyalama?

Musavat.com xəbər verir ki, Honor Power 2 arxa kamera bloku, korpusun ümumi forması və rəng seçimi baxımından "Apple"ın iPhone 17 Pro xəttinə çox bənzəyir. Xüsusilə iri kamera modulu və minimalist dizayn iPhone assosiasiyasını gücləndirir.

Lakin məsələ təkcə xarici görünüşlə bitmir. Honor Power 2 özünü “büdcə avtonomluq canavarı” kimi təqdim edir. Model 10 min mAh-dan artıq batareya ilə təchiz olunub və istehsalçının iddiasına görə, smartfon fasiləsiz 20 saatdan çox işləyə bilir. Bu göstərici "Apple" cihazlarından qat-qat yüksəkdir.

Texniki baxımdan Power 2 Android əsaslı MagicOS sistemi, MediaTek prosessoru və orta seqment üçün nəzərdə tutulmuş kamera imkanları ilə təchiz edilib. Qiymət isə təxminən 400 ABŞ dolları civarındadır ki, bu da iPhone Pro modelləri ilə müqayisədə ciddi fərq yaradır.

Nəticə etibarilə, Honor Power 2 Apple-ın dizayn fəlsəfəsindən açıq şəkildə ilhamlansa da, onu tam “klon” adlandırmaq düzgün olmaz. Bu model daha çox iPhone görünüşünü sevən, lakin yüksək qiymət ödəmək istəməyən istifadəçilər üçün hesablanmış alternativ kimi çıxış edir.

Musavat.com