Onlayn ictimai-siyasi qəzet
Ölkənin bütün sirlərini bilən MTN polkovniki KİTAB YAZDI! Sülhəddin Əkbər nə istəyir? - VİDEO
İlk yayımlanma tarixi: 28.04.2024 (16:23)
Milli siyasət üzrə ekspert Sülhəddin Əkbərin "Milli ideologiyanın və milli-ideoloji siyasətin əsasları" kitabının təqdimatı olub.
Musavat.com xəbər verir ki, Sülhəddin Əkbər kitabın ərsəyə gəlməsindən, yazılması səbəblərindən danışıb.
Müəllif qeyd edib ki, milli ideologiya bütün milləti və dövləti birləşdirən məsələdir.
Sülhəddin Əkbər bildirib ki, bu, akademik əsərdir, kitabda ölkənin milli təhlükəsizliyi, milli kimliyi, ölkənin milli-ideoloji hədəfləri ilə bağlı əhatəli, geniş məqamlar yer alıb. Onun sözlərinə görə, bu, gələcək nəsillər üçün də böyük əhəmiyyət kəsb edən faydalı elmi kitabdır.
S.Əkbər geniş çıxışında ölkənin milli-ideoloji əsaslarının formalaşmasından, boşluqlardan, görülməli işlərdən, prioritet məsələlərdən danışıb, o cümlədən akademik çevrələrdə, xüsusən tələbələr arasında bu kitabın faydalı ola biləcəyini açıqlayıb.
Daha sonra kitabın elmi-texniki redaktoru, ardınca jurnalistlər, elm adamları çıxış ediblər, öz fikirlərini bölüşüblər. Kitabın təqdimatından sonra geniş müzakirələr aparılıb, milli-ideoloji sahədə olan problemlərdən, milli dövlət siyasətinin necə olmasından danışılıb.
Qeyd edək ki, tədbirdə ictimai-siyasi fəallar, jurnalistlər, elm adamları, analitiklər iştirak ediblər.
Musavat.com
XƏBƏR LENTİ
12 May 2024
ŞƏRHLƏRŞƏRH YAZ